Deputetja e Lidhjes Demokratike të Kosovës, Hykmete Bajrami ka thënë se Korporata Energjetike e Kosovës (KEK), ka nënshkruar kontratën e 16-të njëburimore.

Me anë të një postimi në Facebook, Bajrami ka akuzuar përsëri Qeverinë për korrupsion serioz, përcjell Arbresh.info.

Mes tjerash, deputetja e LDK-së ka kërkuar nga Rizvanolli dhe Kurti që të deklarohen për këto kontrata.

Postimi i plotë:

Vazhdon korrupcioni me kontrata njëburimore

Sot, me 3 qershor, 2024 sipas Komisionit Rregullativ të Prokurimit Publik Korporta Energjetike e Kosovës ka nënshkruar kontratën e 16-të njëburimore/pa publikim të njoftimit për kontratë me të njëjtën kompani. Pra negocim direkt 16 herë me kompaninë e njëjtë.

Derisa të premten me po të njëjtën kompani është nënshkruar kontratë në vlerë 448, 251.13 Euro, sot kontrata tjetër që u publikua nga KRPP-ja është në vlerë prej 443.638,00. Dmth. për dy muaj (qershor-korrik) shërbime të sigurimit një kompani me kontratë njëburimore merr afër 900 mijë euro.

Ky është korrupcion serioz qeveritar.

Artane Rizvanolli dhe Albin Kurti duhet të deklarohen për këto kontrata./Arbresh.info